GRÓÐURFRÉTTIR

Velkomin í þetta tuttugusta og fyrsta hefti Gróðurfrétta!


EFNI:

  1. Pistill frá ritstjóra
  2. Leyndarlíf lauka
  3. Blómakerið


Pistill frá ritsjóra

Kæru lesendur!

Velkomin til Gróðurfrétta.  Ég vona að lesendur njóti efnisins og ég vil gjarnan heyra viðbrögð ykkar.  Sumarið er komið og blágresi og sóleyjar kinka kollinum í sumarblíðunni.  Hér og hvar er reyniviður í uppvexti og gamalt birki skartar grænu laufi.  Dagarnir eru langir og bjartir.  Njótið fréttabréfsins!


Leyndarlíf lauka
Graslaukur (Allium schoenoprasum) er fjölær planta sem dafnar vel í görðum hér á landi og annars staðar í norðlægum görðum og má einnig rækta í blómapottum á veröndinni.  Graslaukur myndar þétta brúska plantna með löngum grænum stilkum og laufum.  Saxaðu graslaukinn smátt yfir matinn þinn og njóttu ferskleikans og bragðsins.  Gróðursetning graslauks innan um aðrar matplöntur í matjurtagarðinum heldur burtu skordýrum og sniglum sem eru jurtaætur.  Plantan mun gefa mikið af sér ár eftir ár, lifir oft allan veturinn en byrjar kröftugan vöxt að vori.  Skerðu ferskan graslauk á hverjum degi allt sumarið og stráðu yfir vorsúpuna, sumarsalatið og brauðsneiðina.  Á sumrin meðan graslaukurinn er enn grænn er hægt að klippa graslaukinn og sólþurrka síðan á opnum bakka eða þurrka á ofnhillu við lágan hita.  Graslaukur er frábær sem þurrkuð kryddjurt og heldur bragðinu alllengi í lokaðri glerkrukku.
 

Graslaukur hefur verið ræktaður hér á landi öldum saman, en einnig er hér löng hefð fyrir ræktun steinselju, dills og myntu.  Hvítlaukur (Allium oleraceum) er lauktegund sem er skyld graslauki og má rækta viss kvæmi hér á landi með allgóðum árangri.  Hvítlaukur vex ekki villtur hér á landi en hann er algengur úti í náttúrunni um mestalla Evrópu, t.d. á Bretlandi, og dafnar best á rökum leirkenndum jarðvegi.  Bragðbættu salatið eða súpuna með graslauk og hvítlauk og ef til vill fleiri kryddjurtum í sumar.  Njóttu vel!


Blómakerið

Sendu okkur bréf og greinar um gróður og græn málefni til birtingar í næsta hefti Gróðurfrétta, þú getur líka skoðað eldri hefti á netinu.  Gróðurfréttir er vettvangur fyrir grasafræði og vistfræði, umhverfismál og náttúruvernd.  Þú getur beðið um tengil á þinn vef í fréttabréfinu eða á tenglasíðunni.  Sendu okkur gjarnan ábendingar um efni í næsta fréttabréf.

Við bjóðum upp á ferðir til að skoða gróður landsins, en ferðirnar eru bæði fræðandi og einstök upplifun.  Yfirleitt um að ræða létta göngu og plöntuskoðun í villtri og hálfvilltri náttúru, t. d., á ströndum, hraunum, heiðum og útivistarsvæðum.  Þema ferðanna er hrífandi gróðurfar, sérstæð náttúrufyrirbæri og menning landsins.  Við könnum heiðar og hraun, gras- og blómlendi, strand- og vatnsbakkagróður, gróðursæla skóga og sandauðnir.  Um leið gefst nægur tími til að upplifa einstakt landslag, jarðfræði, og sögu og nútíð staðanna. 

-----------------------------------------------------------------

Kær kveðja,

Soffía Arnþórsdóttir

GRÓÐURFRÉTTIR eru gefnar út af Þund, Hafnarfirði

Hafðu samband

1. júlí, 2017 -- Gróðurfréttir, hefti #021





Pestle Herbs - Herbs, Herbal Remedies and Natural Products


Click here for Cho Yung Tea

The Official Site of Ipanema Flip Flops



Buy vitamins and supplements safely and securely online - supplemented


Groves Nurseries and Garden Centre

NordicTrack


Gift and Homeware with a story - La Juniper