GRÓÐURFRÉTTIR

Velkomin í þetta tuttugusta og fjórða hefti Gróðurfrétta!

 

Kæri lesandi!

Velkomin til Gróðurfrétta.  Ég vona að þú njótir efnisins og ég vil gjarnan heyra viðbrögð þín.  Sumarið er komið, trén eru laufguð, grösin bærast í golunni og skrautjurtir blómstra í görðunum.  Mosar og villigróður spretta út um mýrar og móa og ungir og aldnir njóta langra sólardaga.  

Sendu okkur bréf og greinar um gróður og græn málefni til birtingar í næsta hefti Gróðurfrétta, þú getur líka skoðað eldri hefti á netinu.  Gróðurfréttir er vettvangur fyrir grasafræði og vistfræði, umhverfismál og náttúruvernd.  Þú getur beðið um tengil á þinn vef í fréttabréfinu eða á tenglasíðunni.  Sendu okkur gjarnan ábendingar um efni í næsta fréttarit. 

Við bjóðum upp á ferðir til að skoða gróður landsins, en ferðirnar eru bæði fræðandi og einstök upplifun.  Yfirleitt um að ræða létta göngu og plöntuskoðun í villtri og hálfvilltri náttúru, t. d., á ströndum, hraunum, heiðum og útivistarsvæðum.  Þema ferðanna er hrífandi gróðurfar, sérstæð náttúrufyrirbæri og menning landsins.  Við könnum heiðar og hraun, gras- og blómlendi, strand- og vatnsbakkagróður, gróðursæla skóga og sandauðnir.  Um leið gefst nægur tími til að upplifa einstakt landslag, jarðfræði, og sögu og nútíð staðanna.

-------------------------------------------

Kær kveðja,

Soffía Arnþórsdóttir 

GRÓÐURFRÉTTIR eru gefnar út af Þund, Reykjavík

27. júní, 2019 -- Gróðurfréttir, hefti #024

Leitaðu í vefnum okkar - Search our web


search tips advanced search
search engine by freefind