Birki, beit og loftslag

Hafnar eru rannsóknir á margþættum áhrifum beitar á birki (Betula pubescens) á Íslandi og í Lapplandi. Ólíkt loftslag í löndunum tveim kann að hafa áhrif á endurvöxt plantna eftir beit og viðnám plantnanna við beitardýrum. Könnuð voru áhrif ólíkra beitardýr, spendýra og skordýra, á endurvöxt birkis og hvort spendýrabeit hefði áhrif á viðnám birkis gegn skordýrum. Í tilraunum með spendýrabeit var líkt eftir beitinni með klippingum. Gerð beitarskemmda hafði áhrif á endurvöxt birkis. Spendýrabeit á brumum að vorlagi tafði vöxt og breytti vaxtarformi birkisins. Beitin dró úr nýliðun bruma og laufa, og dró úr vexti stuttsprota, en hafði ekki áhrif á vöxt langsprota né viðnám við fiðrildalirfum. Spendýrabeit hafði áhrif á hæðarvöxt ungra plantna en ekki lengdarvöxt greina á eldri trjám. Áhrif skógarmaðks á vöxt birkis voru ekki merkjanleg. Niðurstöður rannsókna á beitaráhrifum á birki hérlendis verðar bornar saman við niðurstöður frá Lapplandi. Í rannsókn á Lapplandi voru könnuð áhrif beitartíma, beitarálags, beitartíðni og beitargerðar á endurvöxt og viðnám plantnanna við skordýrum sem voru aðallega blaðlýs og bjöllur. Þetta er fyrsti liðurinn í langtímarannsóknum til að kanna áhrif loftslags á endurvöxt og viðnám birkis við beit.

Okkur er sönn ánægja að svara spurningum ykkar sem lúta að okkar sérfræðiþjónustu. Hikið ekki við að senda inn spurningar og sjáið hvort við getum hjálpað. Ef þið eruð með fyrirspurn þarf bara að fylla inn formið hér að neðan, og senda inn spurninguna með því að smella á hnappinn.

Birki, beit og loftslag

Recent Articles

Menningin og gróðurinn í Borgarfirði

Botany and geology tour

Reykjavik Nature Tour